Jīvanmuktikalyāṇa (first aṅka) Nallādhvarin data entry Jonathan Duquette data entry Vinoth Murali Arts and Humanities Research Council (AHRC), project UKRI2578 “Beyond the Court: Sanskrit Expert Knowledge in Brahmanical Communities of the Kaveri Delta, 1650-1800”, University of Cambridge This file was created as part of the AHRC-funded project 'Beyond the Court: Sanskrit Expert Knowledge in Brahmanical Communities of the Kaveri Delta, 1650-1800' (UKRI2578), based at the University of Cambridge (UK). Nallādhvarin: Jīvanmuktikalyāṇa (first aṅka) Data entry: Jonathan Duquette and Vinoth Murali Date of this version: 29th September 2026 Source:       - Jīvanmuktikalyāṇam, A Drama by Nallādhvari, edited by Sri T. K. Balasubrahmanya Aiyar. Srirangam: Sri Vani Vilas Press, 1944. Notes:       This file was created as part of the AHRC-funded project 'Beyond the Court: Sanskrit Expert Knowledge in Brahmanical Communities of the Kaveri Delta, 1650-1800' (UKRI2578), based at the University of Cambridge (UK). Jīvanmuktikalyāṇam, A Drama by Nallādhvari, edited by Sri T. K. Balasubrahmanya Aiyar. Srirangam: Sri Vani Vilas Press, 1944.

Text prepared within the AHRC-funded project “Beyond the Court: Sanskrit Expert Knowledge in Brahmanical Communities of the Kaveri Delta, 1650-1800” (UKRI2578), University of Cambridge.

The text is normalized in accordance with the International Alphabet of Sanskrit Transliteration (IAST). Daṇḍas are rendered as / and //; the avagraha is rendered by the apostrophe; ṁ has been normalized to ṃ. Non-conformant characters that carry additional information (here: ï, marking hiatus in Prakrit) are kept in orig elements inside choice, with the IAST-conformant equivalent in reg, so that a plain text can be derived.

Characters Used for the Transliteration of Sanskrit according to IAST Character Character Name Unicode Code Point a LATIN SMALL LETTER A U+0061 ā LATIN SMALL LETTER A WITH MACRON U+0101 i LATIN SMALL LETTER I U+0069 ī LATIN SMALL LETTER I WITH MACRON U+012B u LATIN SMALL LETTER U U+0075 ū LATIN SMALL LETTER U WITH MACRON U+016B ṛ LATIN SMALL LETTER R WITH DOT BELOW U+1E5B ṝ LATIN SMALL LETTER R WITH DOT BELOW AND MACRON U+1E5D ḷ LATIN SMALL LETTER L WITH DOT BELOW U+1E37 ḹ LATIN SMALL LETTER L WITH DOT BELOW AND MACRON U+1E39 e LATIN SMALL LETTER E U+0065 o LATIN SMALL LETTER O U+006F ṃ LATIN SMALL LETTER M WITH DOT BELOW U+1E43 ḥ LATIN SMALL LETTER H WITH DOT BELOW U+1E25 ' APOSTROPHE U+0027 k LATIN SMALL LETTER K U+006B g LATIN SMALL LETTER G U+0067 ṅ LATIN SMALL LETTER N WITH DOT ABOVE U+1E45 c LATIN SMALL LETTER C U+0063 j LATIN SMALL LETTER J U+006A ñ LATIN SMALL LETTER N WITH TILDE U+00F1 ṭ LATIN SMALL LETTER T WITH DOT BELOW U+1E6D ḍ LATIN SMALL LETTER D WITH DOT BELOW U+1E0D ṇ LATIN SMALL LETTER N WITH DOT BELOW U+1E47 t LATIN SMALL LETTER T U+0074 d LATIN SMALL LETTER D U+0064 n LATIN SMALL LETTER N U+006E p LATIN SMALL LETTER P U+0070 b LATIN SMALL LETTER B U+0062 m LATIN SMALL LETTER M U+006D y LATIN SMALL LETTER Y U+0079 r LATIN SMALL LETTER R U+0072 l LATIN SMALL LETTER L U+006C v LATIN SMALL LETTER V U+0076 ś LATIN SMALL LETTER S WITH ACUTE U+015B ṣ LATIN SMALL LETTER S WITH DOT BELOW U+1E63 s LATIN SMALL LETTER S U+0073 h LATIN SMALL LETTER H U+0068

The text is structured by div elements (the act, its prologue), by speeches (sp), verses (lg, one l per line of the input) and prose (p). Stage directions are marked as stage. Prakrit speech is marked with xml:lang="pra-Latn"; the Sanskrit chāyā given in square brackets in the input is marked seg type="chāyā". Editorial supplements in square brackets inside a word are marked supplied.

A reference is given in the xml:id attributes of the verses, consisting of a pragmatic abbreviation of the : Jīvanmuktikalyāṇa = JMK, the number of the in arabic numerals, the number of the in arabic numerals.

English Sanskrit Prakrit sūtradhāraḥ naṭī ramaṇīyacaraṇaḥ sattvaśuddhiḥ jīvaḥ buddhiḥ Sanskrit -- Drama // jīvanmuktikalyāṇam nallādhvariviracitam // // prathamo 'ṅkaḥ //
bhadrākāraparigrahocitamadārambhapriyaṃbhāvukāḥ svīkurvañ śubhavāsanāḥ katicid apy āśāpariṣkāriṇīḥ / śrutyantābhyasanair alivyatikarād ātmānam unmocayan sa śrīmān kṛpayā mahāgaṇapatiḥ puṣṇātu niḥśreyasam // nāndyante sūtradhāraḥ tādātmyena nirantarālamilitāṃ gaurīṃ vihārecchayā vismṛtyātha tayā viyojita ivātanvaṃs tadanveṣaṇam / senānyā bhagavan bhavāny api bhavān evety anūdbodhitas tallābhād iva nirvṛto diśatu vaḥ śreyo 'rdhanārīśvaraḥ //

iti puṣpāñjaliṃ vikīrya, nepathyābhimukham avalokya, ārye, itas tāvat /

 praviśya naṭī

ajja, ïiamhi / ārya, iyam asmi /

 sūtradhāraḥ

ārye, adya khalu bhagavato madhyārjunaprabhor yātrāpratyupasthitaiḥ śamadamapradhānair brahmaniṣṭhair ādiṣṭo 'smi sāmājikair adhyātmakathānubandhabandhuraṃ kim apy apūrvaṃ nāṭakaṃ nāṭayitavyam iti / tad anucintyatāṃ tvayā tathāvidhaṃ nāṭakam /

 naṭī

ajja, kiṃ vi me ṇa paḍihāi / ārya, kim api me na pratibhāti /

 sūtradhāraḥ

ayi vismaraṇaśīle, tvam ajaivāsi prakṛtyā /

 naṭī

sakrodham jai evvaṃ tado ajjassa aṇurūvā bhavissaṃ / yady evaṃ tata āryasyānurūpā bhaviṣyāmi /

 sūtradhāraḥ

sakrodhāvegam mugdhe, prakṛtyāham api yady ajaḥ syām tarhi tadanurūpa ācāraḥ pakṣe tvatparityāgarūpa eva paryavasyed iti mahad aniṣṭam āpadyeta / tathā khalv ajānām ācāro dṛśyate /

ekām ajāṃ lohitaśuklakṛṣṇāṃ bahvīḥ prajāḥ svānuguṇāḥ sṛjantīṃ / eko hy ajas tām anuśeta eva jahāti enām aparo 'nubhuktām // naṭī

bhuttabhoaṃ maṃ ujjhia aṇṇāe ka e vi kaṇṇāe saṃgadua ṇivvudo hodu ajjo / bhuktabhogāṃ mām ujjhitvā 'nyayā kayāpi kanyayā saṃgatya nirvṛto bhavatv āryaḥ / iti sāṭopaṃ parāvartate

 sūtradhāraḥ

sānunayaṃ haste gṛhītvā ayi sadasadvilakṣaṇe, vācārambhaṇamātra eva prapañco na paramārthaḥ / tad ehi, mā nivartasva / nartitavyaṃ nāma tvayā yāvat pratibhāsaṃ prārabdhānusāreṇa / tatas tu paraṃ svata eva parāvartiṣyase /

 naṭī

saprasādaunmukhyam ajja, mae kiṃ ṇañcidavvaṃ? ārya, mayā kiṃ nartitavyam?

 sūtradhāraḥ

jīvanmuktikalyāṇaṃ nāma nāṭakam, yasya kaviḥ subhadrāpariṇayaśṛṅgārasarvasvacittavṛttikalyāṇādvaitarasamañjaryādyanekaprabandhanibandhanābhinandanīyaḥ śrībālacandramakhindranandano nallādhvarī /

 naṭī

ajja, sumarāvidamhi / visumaraṇakido uṇa maha avarāho marisidavvo / ārya, smāritā 'smi / vismaraṇakṛtaḥ punar mamāparādho marṣitavyaḥ /

 sūtradhāraḥ

astu nāmedam / prastūyatāṃ saṃgītakam / saṃprati hi,

śāradānugrahavaśād viśadīkṛtamānasāḥ / haṃsābhyudayaśaṃsinyo vāsarāṇāṃ vibhūtayaḥ // naṭī dāṇiṃ paḍippahādaṃ sujjāloapphuḍīkidaṣpasirī / ṇa khu sā rājīvatadī khamadi bhamaralakkhaṇappaparihūdiṃ // idānīṃ pratiprabhātaṃ sūryālokasphuṭīkṛtātmaśrīḥ / na khalu sā rājīvatatiḥ kṣamate bhramaralakṣaṇātmaparibhūtim // sūtradhāraḥ kavir atimanojñasūktiḥ kathā jagatpāvanī vayaṃ kṛtinaḥ / pariṣad iyaṃ guṇaniṣṭhā bhavyasya vidheḥ prasādavibhavo 'yam // nepathye

aye bharatakulaśekhara, vidhiprasādavibhava iti māṃ nirdiśañ ślāghanīyo 'si /

codanātmā vidhis tasya prasādo janako mama / vidhiprasādavibhavas tasmād aham udāhṛtaḥ // sūtradhāraḥ

smṛtim abhinīya katham eṣa praviṣṭa eva bhāvo jīvāmātyasya ramaṇīyacaraṇasya bhūmikām ādāya raṅgamaṇḍapam / ārye, tadā āvām apy anantarakaraṇīyāya sajjībhavāvaḥ / iti niṣkrāntau

 // prastāvanā //
tataḥ praviśati ramaṇīyacaraṇaḥ ramaṇīyacaraṇaḥ vidhigocarakarmanirmitatvād vimalo 'haṃ sakalābhilāṣapātram / upajīvyatayā tataḥ pareṣāṃ prathitaḥ prāthamikaḥ svayaṃ samarthaḥ //

api ca,

svargādinaśvaraphalānabhisaṃdhibandha- nirvyūḍhayā bhagavadarthatayānvito yaḥ / tasmān nisargamahataḥ śubhakarmarāśer jātasya me kim itareṇa guṇottareṇa //

kiṃ ca,

anenaivānubhāvena mayā labdhā mahonnatā / sattvaśuddhir iti khyātā kanyā kalmaṣahāriṇī // praviśya sattvaśuddhiḥ

āṇavedu ajjo jaṃ mae aṇuciṭṭhiadu / ājñāpayaty āryo yan mayā 'nuṣṭhīyatām /

 ramaṇīyacaraṇaḥ

vatse, kim anyat? devasya tvayā sāhāyakam ācaritavyam /

 sattvaśuddhiḥ

ko so devo? kaḥ sa devaḥ?

 ramaṇīyacaraṇaḥ so 'yaṃ yaḥ svayam advitīyapadavīsāmrājyadhauraṃdharīm āsādya pratitiṣṭhati sma mahimākāre svabhadrāsane / yaś ca vyādhakule vasann iva mahīpālātmajo vyādhatāṃ jīvatvaṃ gatavān vimohavaśataḥ svasmāt padād bhraṃśitaḥ // sattvaśuddhiḥ

ajja, kiṃ patthudaṃ tassa devassa / ārya, kiṃ prastutaṃ tasya devasya /

 ramaṇīyacaraṇaḥ

pāṇigrahaṇamahotsavaḥ /

 sattvaśuddhiḥ

ajja, atthi khu tassa puḍhamo paḍiggaho devī, yā buddhi tti andakaraṇam tti maṇaṃ tti cittaṃ tti a bhaṇïiadi / ārya, asti khalu tasya prathamaḥ pratigraho devī, yā buddhir ity antaḥkaraṇam iti mana iti cittam iti ca bhaṇyate /

 ramaṇīyacaraṇaḥ

saṃprati tasyāṃ vairasyenopajātajihāso devaḥ /

 sattvaśuddhiḥ

haddhi haddhi, chāādavāṇaṃ vïia samaṇïiadāṇaṃ vi tāṇaṃ īriso dasāpariṇāmo hā dhik, hā dhik / chāyātapayor iva samaniyatayor api tayor īdṛśo daśāpariṇāmaḥ /

 ramaṇīyacaraṇaḥ

vatse, chāyātapayor iveti viṣamo dṛṣṭāntaḥ /

chāyaiṣā punar ātapo 'yam iti ca spaṣṭaṃ pratītātmanor anyonyaṃ vyatiṣaktayor api tayor bhedaḥ sukhaṃ gṛhyate / anyonyātmakayor anādisamayād anyonyatāddharmyayor buddhir jīva iti dvayor api tayor bhedagraho durlabhaḥ // sattvaśuddhiḥ

ajja, īrisī a devī kīsa deveṇa virasadāe goarīkidā? ārya, īdṛśī devī kasmād devena virasatāyā gocarīkṛtā?

 ramaṇīyacaraṇaḥ

yatas tatsamgamaprabhṛti sukham iti kiṃcin na jānāti devaḥ / tathā hi,

rāgadveṣakaṣāyitasvavapuṣā buddhyā samāliṅgitaḥ puṇyāpuṇyamayeṣu karmasu tato mohāt pravṛttaḥ svayam / dehādyātmatayā 'tha karmajanitaṃ svargādirūpaṃ phalaṃ bhuñjāno janihāniduḥkhajaladher āvarta āvartate //

uktaṃ ca māṃ prati garbhagṛhaṃ praviṣṭena devena,

saṃsārādhvani saṃkaṭe niravadhau tāpatrayopaplute yātāyātakṛtā yayā mama cirād ātmettham āyāsyate / asmād garbhagṛhād bahir yadi vinirgamyeta kiṃcin mayā saiṣā 'narthakarī tadaiva sahasotsṛṣṭeti niścīyatām //

iti

 sattvaśuddhiḥ

haddhi, haddhi / sāhasavvavasāo devo / ajja, kahaṃ so gabbhadharaaṃ paviṭṭo? iṭhṭhādikāridāe dhūmādimaggeṇa candaloaṃ gado tti khu suṇijjaïi / hā dhik, hā dhik / sāhasavyavasāyo devaḥ / ārya, kathaṃ sa garbhagṛhaṃ praviṣṭaḥ? iṣṭādikāritayā dhūmādimārgeṇa candralokaṃ gata iti khalu śrūyate /

 ramaṇīyacaraṇaḥ

vatse, śrūyatām,

gatvā candramasaṃ vibhūtyanubhavāt prakṣīṇapuṇyas tato bhūloke 'vataran kapūyacaraṇaṃ jitvā mayā ''lambitaḥ / śraddhādyāhutipañcakena ca pathā yoniṃ gato brāhmaṇīṃ garbhāgāram anupraviśya daśame māse tato nirgataḥ //

saṃprati ca,

indriyahayaṃ manomayaraśmicayaṃ buddhisārathisanātham / deharatham āsthito 'yaṃ devo viṣayāṭavīṣu paryaṭati // sattvaśuddhiḥ

kahaṃ idaṃ vi evvaṃ ṇāma / katham idam apy evaṃ nāma /

 ramaṇīyacaraṇaḥ

vatse, anyad apy asti kāraṇaṃ devījihāsāyāṃ devasya, yat purāṇajyotirvidām anukramaṇam / yathā,

buddhityāgena devasya svapadaprāptir iṣyate / buddhityāgaś ca viśvātiśāyidārāntarānvayāt //

iti

 sattvaśuddhiḥ

ajja, kā uṇa kaṇṇā tārisī jāe joeṇa devassa sapadappattī vavadisijjaïi / ārya, kā punaḥ kanyā tādṛśī, yasyā yogena devasya svapadaprāptir vyapadiśyate /

 ramaṇīyacaraṇaḥ

adyāpi nāvadhāryate / preṣitas tāvan mayā tādṛśakanyānveṣaṇāyāpātabodho nāmādhuniko devānucaraḥ /

 sattvaśuddhiḥ

kahaṃ vïia edaṃ ghaḍijjaïi? katham ivaitad ghaṭiṣyate?

 ramaṇīyacaraṇaḥ

kiṃ tādṛśī kanyaiva durupalambheti tathā bravīṣi, āho svid upalabdhāpi devasya durlabheti?

 sattvaśuddhiḥ

taha taha a / tathā tathā ca /

 ramaṇīyacaraṇaḥ

ayi vatse,

devo 'yaṃ svapadāc cyutaḥ kila kuto bhūyo 'pi tasyodayaḥ śreyo vā tad idaṃ pumarthapariṣanmūrdhābhiṣiktaṃ kutaḥ / ity evaṃ yadi manyase hṛdi tadā mithyaiva te niścayas tat tasya kva gataṃ padaṃ kva nu gato devaḥ sa vā saṃprati //

paraṃ tu mocanīyo devaḥ pāśabandhād ajñānavarmaṇa aindrajālikasya / ya eṣaḥ,

vikṣepāvṛtiśaktimāñ jaḍamayo mohātmako duḥkhabhūr asthānapratibimbataḥ prakaṭayann ātmānam apy anyathā / ākāśānilahavyavāhasalilakṣoṇyātmabhiḥ pañcabhir bhūtair ātanute nijāṃ pariṇatiṃ pañcīkṛtiprakramaiḥ // sattvaśuddhiḥ

ajja, kiṃ so jo devīe tādo tti suṇijjaïi / haddhi haddhi / dujjao khu so / ārya, kiṃ sa yo devyās tāta iti śrūyate / hā dhik, hā dhik / durjayaḥ khalu saḥ /

 ramaṇīyacaraṇaḥ

saroṣam vatse, kim ucyate durjaya iti /

ātmasvāminam indrajālavidhinā pāśena badhnāti yaḥ paśyainaṃ paśukalpam alpadhiṣaṇaṃ baddhvā padākramya ca / chindan krandata eva tattvam asinā tasyāṅgakaṃ khaṇḍaśo viśvagrāsaparasya tena mahato bhūtasya kuryāṃ balim // sattvaśuddhiḥ

ajja, mā kuppa / arihi kāmādihiṃ karijjantasāhāao so saṅkidavvo tti taha mantemi / ārya, mā kupya / aribhiḥ kāmādibhiḥ kriyamāṇasāhāyakaḥ sa śaṅkitavya iti tathā mantrayāmi /

 ramaṇīyacaraṇaḥ kāmādayaḥ santu sahasram asya sahāyabhūtā balinas tathāpi / mahattarair ātmaguṇair bhṛtasya mamāgrataḥ sthātum iha kṣamaḥ kaḥ // ubhau parikrāmataḥ ramaṇīyacaraṇaḥ

nirūpya katham ita eva devaḥ /

cirāya so 'yaṃ mṛgayāpravṛttaḥ pramattayā sārathibhāvabhājā / vikṛṣyamāṇaḥ parito 'pi devyā guruvyathaḥ saṃmukham abhyupaiti // tataḥ praviśati yathānirdiṣṭo jīvaḥ, buddhiś ca rathena vibhavataś ca parivāraḥ / jīvaḥ sa eṣa madhuraḥ svaro rucira eṣa rūpoccayaḥ susaurabham idaṃ tv iyaṃ śiśiratā raso 'sāv iti / itaḥ śravaṇam ekato nayanam anyato ghrāṇam apy atas tvag api hanta māṃ rasanam agrataḥ karṣati //

devi, stimitagatayaḥ kriyantāṃ vājinaḥ / yataḥ,

dhāvanto viṣayeṣu sāṃpratam amī rathyās tava preraṇād vyākarṣanti yathāyathaṃ tata itas tvām antato mām api / āstāṃ tāvad idaṃ rathasya tu mahān āyāsayogaḥ paraṃ na hy eṣa kṣamate śirīṣasumato 'py atyantam āpeśalaḥ //

katham eṣā madvacanam ākarṇya vighūrṇate bhūtāviṣṭeva / bhavatu, etān evāśvān pratisāntvayāmi /

śravaṇarasanaghrāṇatvaṅnetra hanta bhavanmukhaiḥ sthitam abhimate vastuny astokasāhasavṛttibhiḥ / alam alam itaḥ śrāntaṃ bhūyaḥ sukhena viramyatām aham uparato mā mā karṣantu mām ayam añjaliḥ //

atha vā na durmadeṣv eteṣu sāntvavādaḥ kramate / hanta hanta,

ayaṃ śatāṅgaḥ parijarjarāṅgaḥ pade pade śaṅkitabhaṅgam āste / duṣṭā hayāḥ kaṣṭadaśā ca devī kathaṃ nu kalyāṇapadaṃ bhajeyam //

ākāśe ramaṇīyacaraṇa, kvāsi bhoḥ kvāsi /

cirād etāvantaṃ samayam atighore bhavapathe na kiṃ paryāpnoti bhramaṇam idam etāvad api me / kiyantaṃ vā kālaṃ bhramayitum ito 'pi vyavasitaṃ yathāsaṃkalpaṃ te bhavatu mama vā kiṃ pratihatam // ramaṇīyacaraṇaḥ

apasṛtya vijayatāṃ devaḥ /

 jīvaḥ

aye ramaṇīyacaraṇa,

ahaṃ bhrāmaṃ bhrāmaṃ krakacaparuṣe vai śrutipathe pariśrānto nātaḥ padam api samartho vicalitum / prabhutvaṃ mayy ārte prakaṭayasi kiṃ sāṃpratam idaṃ tavopekṣāyā vā kimu samucito 'sāv avasaraḥ // ramaṇīyacaraṇaḥ

dāsajane 'smin na sāṃpratam atimātraṃ vacanaṃ kalyāṇaśevadher devasya /

 jīvaḥ

sanirvedam aticāriṇyā buddhyā saha saṃsarato mama kalyāṇe kā nyūnatā nāma / yathā,

rathyānā januṣaḥ parāṅmukhatayā nityaṃ pravṛttyunmukhān bhūyaḥ preraṇakarmaṇā svayam api protsāhayantī muhuḥ / svasthaṃ māṃ viṣameṣv amīṣu viṣayeṣv ākṛṣya cākṛṣya ca bhrāmyantī kṛpayā hriyā ca rahitā nādyāpi viśrāmyati // ramaṇīyacaraṇaḥ

deva, samakṣam eva devyāḥ katham evam ākrośaḥ kriyate /

 jīvaḥ

eṣā saṃpraty ātmānam api na jānāti / paśya, paśya,

kāsārāntaram āsthitā jalajharī kulyā 'dhvanā niḥsṛtā kedārābhigatā yathaiva hi tadākāreṇa saṃpadyate / tadvad buddhir apīyam indriyacayadvārā bahir nirgatā vyāpya svān viṣayāṃs tadākṛtigaṇenākāritā vartate // ramaṇīyacaraṇaḥ

tarhi na khedāvasaro devasya /

dīrghā pradīpavalayasya marīcikeva buddhir bahiḥ prasṛbharā viṣayān prayātu / āruhya gacchatu bhavān api tāṃ pramātā dolāvihṛtyanubhavena vinodyamānaḥ // jīvaḥ

ko nāma vinodaḥ saṃsāraviṣavallarībījanyāsena pramātṛbhāvena / tathā hi,

pramātṛtvāveśe sati bhavati karmasv adhikṛtis tataḥ kartṛtvaṃ syāt tadanu phalabhoktṛtvam api ca / vimuktasyānena dhruvam akhiladuḥkhapraśamanaṃ vimuktyarthopāyas tad anusaraṇīyaḥ prathamataḥ // ramaṇīyacaraṇaḥ

kiṃcid iva parāvṛtya vatse sattvaśuddhe, ehi vandasva devam /

 sattvaśuddhiḥ

upasṛtya deva, paṇamāmi / deva, praṇamāmi /

 jīvaḥ

vatse, abhimatena yujyasva /

 sattvaśuddhiḥ

ahimadā me devī / abhimatā me devī / iti buddher aṅkam ārohati /

 jīvaḥ

aho, sattvaśuddhyāḥ saṃsparśamātreṇa prasannā devī prakṛtisthā ca saṃvṛttā /

 buddhiḥ

vacche sattasuddhe, aviralaṃ maṃ parissajehi / vatse sattvaśuddhe, aviralaṃ māṃ pariṣvajasva /

 sattvaśuddhiḥ

tathā karoti

 buddhiḥ

vacche, ajjautto vi saṃbhāvïiadu parisaṅgeṇa / vatse, āryaputro 'pi saṃbhāvyatāṃ pariṣvaṅgeṇa /

 jīvaḥ

devi, mā maivam / yatas tvayi pariṣvaktāyām aham api pariṣvaktaprāya eva /

dhyāyatīva janas tv eṣa dhyāyantyām tvayi vallabhe / calatīva calantyāṃ ca na svatantraḥ svayaṃ kvacit // buddhiḥ

īriso ahiṇiveso assim jaṇammi ajjautassa / īdṛśo 'bhiniveśo 'smiñ jane āryaputrasya /

 jīvaḥ

kim etad upacāraḥ /

nīrakṣīravad āvayor upanatā kālād bahor ekatā viśleṣasya kathā kathaṃcid api na svapne 'pi saṃbhāvyate / kiṃ ca tvadguṇasāratāmahimataḥ karteti bhokteti ca prāyeṇa vyapadeśabhājanam ahaṃ jāto jaganmaṇḍale // buddhiḥ

edaṃ vi ṇāma ajjauttassa paḍiggahappahā go / kahaṃ aṇṇahā muddhapakidīe maha taha taha ppahāsaṃbhavo / etad api nāmāryaputrasya parigrahaprabhāvaḥ / katham anyathā mugdhaprakṛter api mama tathā tathā prathāsaṃbhavaḥ /

 jīvaḥ mugdhā tava prakṛtir astu taveyatā kim āyātam āyataviśālaviloladṛṣṭe / mūḍhaḥ piteti tanayo 'pi kathaṃ tathā syāl lālājalāyitasamastakalākalāpaḥ //

api ca,

mugdhe devi parigrahas tvam iti yat tenānubhāvena me jīvo jīva iti praśastir iyatī viśvaṃ yayā vyāpyate / no ced evam apāṇipādavapuṣaḥ sattāva(ti/śi)ṣṭasya te kāntasyāsya guṇojjhitasya bhuvane nāmāpi gṛhṇātu kaḥ // ramaṇīyacaraṇaḥ

devyāyatta eva devasya saṃsārikaḥ sarvo vyavahāra ity etal likhitapaṭhitam eva lokānām /

 jīvaḥ

ayi devi,

tāvat saṃsṛtivibhramo mama bhaved yāvat tvayā saṃgamo viśleṣo yadi magnam eva bhuvanaṃ manye kim anyat tadā / kiṃ paśyāmi kimu spṛśāmi kim ahaṃ jalpāmi jighrāmi kiṃ kiṃ vā nāma śṛṇomi kiṃ punar ahaṃ jānāmi yatkevalaḥ // buddhiḥ

mai rūḍhamūlo mamadāhimāṇo ajjauttaṃ evvaṃ vāhārei / mayi rūḍhamūlo mamatābhimāna āryaputram evaṃ vyāhārayati /

 jīvaḥ

devi, ahaṃtābhimāna iti vaktavyam /

 ramaṇīyacaraṇaḥ

īdṛśam abhinnaṃ dāmpatyam ardhanārīrūpasya mahato devasya devasya vā /

 sattvaśuddhiḥ

evvaṃ edaṃ / evam etat /

 jīvaḥ

ramaṇīyacaraṇa, kutaḥ praśāntavega iva ratho dṛśyate?

 ramaṇīyacaraṇaḥ

avasito viṣamo jāgaritanāmā vanoddeśaḥ, pratyāsannaś ca svapnārāmaḥ / tataś ca,

svapnārāmasya sāṃnidhyāt supteṣv indriyavājiṣu / praśāntaspandasaṃbādho ratho 'yam avatiṣṭhate // jīvaḥ

kathaṃ saṃnihitaḥ svapnārāmaḥ? parito dṛṣṭiṃ prasārya

kuṭajavakulamallīkundamandāranānāmadhu- parimalapālīmāṃsalāṅkāvakāśā / samadaśakunibṛndāmandanād ābhirāmā sphurati nirūpameyaṃ svāpnikārāmasīmā //

aye ramaṇīyacaraṇa, ihasthena tvayā paripālyatām eṣa rathaḥ / yāvad aham amum ārāmaṃ praviśya sattvaśuddhidvitīyayā devyā saha viharāmi /

 ramaṇīyacaraṇaḥ

tathā / iti sthitaḥ

 jīvaḥ

devyā sattvaśuddhyā ca saha nāḍīdvārā svapnārāmapraveśaṃ nāṭayitvā / devi, atrāyaṃ puruṣaḥ svayaṃjyotir atrabhavatyāḥ sāhāyakam apekṣate /

 buddhiḥ

piaṃ me / priyaṃ me /

 jīvaḥ

samantād avalokya aho asya svapnārāmasya rāmaṇīyakam / devi, dṛśyatām ābhirūpyam ārāmasya / iha hi,

marakatamaṇicchāyāḥ kecin mahīruharāśayaḥ kanakanikaṣasnigdhāś cānye pare sphaṭikasphuṭāḥ / valabhidupalaśyāmāś caike kusumbhaviḍambinaḥ katicid itare nānāvarṇāḥ suvarṇaphalodgamāḥ //

api ca,

kvacit pratinavāṅkuraṃ kvacana pallavollāsavat kvacid vikacakuṭmalaṃ kuhacid acchagucchacchavi / kvacit phalabharānataṃ kvacana bhṛṅgasaṃghātabhṛt samullasati nandanaṃ vanam ivedam ānandanam //

hanta hanta dṛṣṭanaṣṭasvarūpāṇi pūrvadṛṣṭasarūpāṇi pratikṣaṇonnidravyaktyākṛtijātyanyathātvabhāñjyatratyāni vastūni / tathā hi,

hastīty ākalitaḥ kṣaṇena sa mahān adriḥ samāpadyate sadyaḥ sa drumatām upaiti sa punaḥ pakṣiprathāṃ gāhate / ajñātaṃ śatayojanāntaritam apy adhyakṣam ālakṣyate vastu prāptimad apy apūrvam iva saṃprāptavyam āste punaḥ //

devi, dīyatām ito dṛṣṭiḥ /

bālātapaś candrikayā taruṇyā saṃśliṣyate saṃprati nirvirodham / hriyeva kiṃcin mukulīkṛtāni vāpībhir abjotpalalocanāni // buddhiḥ

vilokya vismayastaimityaṃ rūpayati

 nepathye kalakalaḥ / jīvaḥ

karṇam dattvā, sollāsam

śukakekikokilamadhuvratasvanair avibhāvyamānanijabhedavaibhavam / lalitasvarakramaviśeṣalakṣitaṃ sutanor iva vyavahṛtaṃ niśamyate //

devi, ārāmasīmāyām avadhāraya śrutim /

 buddhiḥ

aśrutim abhinīya sāṅgabhaṅgaṃ tiṣṭhati

 jīvaḥ

sattvaśuddhe, devī nidrālaseva lakṣyate / dhārayasva tāvad enām /

 sattvaśuddhiḥ

tathā karoti

 punar nepathye ārāmam eva māyotthaṃ svapnanirmāṇalakṣaṇam / mama sarve 'pi paśyanti na māṃ paśyati kaścana // jīvaḥ

śrutvā atigabhīramanoharaṃ vacanam /

 punar nepathye upary upari saṃcarann api na kaścid akṣetravid- dhiraṇyanidhim antasthe vinihitaṃ yathā vindati / na vindati tathaiva mām ahar ahar bhajann apy aho vimohapihito janas tad iha kasya kiṃ vā bruve // jīvaḥ

śrutvā asaṃśayaṃ niratiśayarūpalāvaṇyasaundaryaparyavasānabhūmitayā svasyānurūparamaṇānupalambhasaṃbhūtam ārāmābhimāninyā nigūḍhāyāḥ kasyāś cit kanyakāyā vacanam etad iti me niścayaḥ / hanta, hanta,

akṛtrimamanojño 'yam akṣarāṇām anukramaḥ / akhaṇḍānandapadavīm adhyāropayatīva mām //

vatse sattvaśuddhe,

mīnastrīva mahānadītaṭabhuvoḥ svapnāntabuddhāntayoḥ paryāyeṇa gatāgataṃ vidadhatī devī nikāmaklamā / eṣo 'haṃ ca tathā tathā vyavaharan prāpto 'smi nāma śramaṃ vyomāgre parimaṇḍalāni vicaran nātho yathā pakṣiṇām //

tad atisaṃnihite 'sminn atimuktātmamaṇḍape nidrālasāṃ devīṃ sukhaśāyinīṃ vidhehi / aham apy ārāmavirāmabhuvam abhigamya nirdhāritaśabdapravṛttimūlas tad evātimuktātmamaṇḍapam anupravekṣyāmi //

 sattvaśuddhiḥ

tathā karoti

 jīvaḥ

parikramyāvalokya ca, saharṣāścaryasaṃbhramautsukyam hanta, saphalam adya saṃjātaṃ janma /

iyaṃ sā kalyāṇī sulalitalatāmūlanilayā payodenālīḍhā taḍid iva jaganmohanatanuḥ / avasthābhedena sthitim upagatā kācid adhunā sadānandasphūrtiḥ sutanur iti saṃmohayati mām //

hanta, na paryāpnuvanti sahasram api locanāni sahasralocanasya saundaryam asyā nirvarṇayituṃ, varṇayituṃ vā vāco 'pi vācaspateḥ / tathā hy asyāḥ,

śrībinduḥ śaradindur āsyagalito dṛkkoṇa indīvaraṃ leśā hāsarucāṃ sumāny adharabhūsaṃpallavaḥ pallavaḥ / aṃśo merur asaṃśayaṃ mṛgadṛśo vakṣojayor uccayos tan manye vapurekadeśavibhavo viśvaśriyo 'pi śriyaḥ //

api ca,

pādau padmabhuvaḥ śriyaḥ sahacarau pāṇī śivavyañjanau keśāḥ keśavadivyarūpasuhṛdaḥ śrutyantaraṅge dṛśau / etasyās trijagaty acumbitacamatkārāvalambākṛter aṅgaṃ sarvam anaṅgamaṅgalam aho varṇyeta kiṃ kena vā //

kiṃ bahunā,

karambayati ced iyaṃ kamalagarvasarvaṃkaṣām apāṅgaparipāṭikām alam alaṃ surāṇāṃ śriyā / atha svarasam ātmanā yadi kadācid āliṅganaṃ taraṅgayati jīvato mama sa eva mokṣotsavaḥ //

kā punar eṣā bhavet / atha vā bhavatu yā kācid eṣā / paścād aśeṣaṃ vicārayiṣyāmi / sarvathā tāvad enayā saṃpraty eṣa saṃpadye / iti parikramya, niṣkrāntāḥ sarve
// iti prathamo 'ṅkaḥ //